給正計劃移民的您
 |
就由我地分享下我地英移的過程啦：
住屋篇：
我地間屋是 12月中開始起租，屋是透過朋友介紹的移民顧問公司租到的。
初時我們也曾考慮先抵步，再自己租屋。但事實上，近學校附近（中學 -Year 7）Catchment Area 的租盤根本有限，（大概每月）得嗰 2-3 間可選擇。移民顧問幫我地去睇盤拍片，睇完片，租邊間其實已經心中有數了。
 |
而且一唸起：如果一抵步就有屋住，唔洗住 Air bnb，條數都係番到噃！
仲有如果要係 Covid 疫情期間，拖住小朋友走嚟走去，周圍睇屋，就真係冇眼睇了！
傢俬篇：
租到屋之後，就要安排傢俬了。
雖然各大百貨公司（John Lewis、Argos、Amazons 等）也有安排網購及送貨，而 Ikea 更有付費的（Task Rabbit）安裝服務。
但試想想：第一天落機，便要不辭勞苦地安裝傢俬，記著 - 仲要夾啱送貨日期、時間（或夾埋安裝服務），不容有失喎！因第一晚至少都要有床瞓、有枱食飯㗎！
結果經過一輪格價後（Ikea、John Lewis、Argos、Amazons ...），我地都係搵咗移民公司的代購傢俬服務。因佢地可以幫手安排收屋、收傢俬（需收費）、安裝等一條龍服務，搞點晒所有嘢。
咁我地一抵步就可以「即住」，真的可以免卻好多麻煩！
價錢方面，比起 Ikea 加埋安裝費後，移民公司的代購「一條龍服務」價格尚較相宜，所以大家不妨考慮一下。
 |
| 來到這裏，小朋友最開心就係可以砌小雪人、同玩雪了！ |
日常生活篇：
之後，移民顧問公司幫我地登記晒 D 水電煤、Council Tax、不在話下。
學校篇：
係小朋友報學校方面，有些 Council 是可以接受用租約 + 住址證明，便可申請學校的。
但我地都有請身在英國的移民顧問，幫我地打電話同 Council 溝通。結果我地便可以人未飛，就已經有學位了！（可能我地早來），好好彩仲要係 Outstanding School 㖭！
汽車篇： 之後經我地嘅要求，移民顧問仲特登幫我地聯絡汽車經銷商，安排揸埋架車去到我地間屋嘅門口！免卻我地係疫情其間，長途跋涉、拖男帶細去收車。最後（加埋架車嘅運費），我地係可以慳番唔洗係 UK 租車的費用㖭！
買車方面，我地係買大汽車品牌公司的「Approved Used Car」，一來有齊原廠記錄、原廠保養等。
二來我們始終初到貴境，人生路不熟，都係幫襯番各大汽車品牌公司的特約經銷商，買番「Approved Used Car」，較為有信心！
 |
總結篇：
一抵步，見到間 house、同自己架車、D 小朋友又即刻有間好嘅學校讀書 ...
新生活從此開始，很溫暖、很感動 ...
文 、圖： 曾三寶 . 英倫誌
P.S. 如大家想繼續討論、及取得更多資訊、或索取移民顧問公司聯絡資料等，可電郵給我：
Tsang.Mama.3b@gmail.com
謝謝閱讀！
.jpg)
.jpg)
