給正準備移民的您
就由我地分享下我地英移的過程啦:
住屋篇:
我地 12月中間屋開始起租,屋是透過朋友介紹的移民顧問公司租到的。
初時我們也曾考慮先抵步,再自己租屋的。但事實上,近學校附近(中學 -Year 7)的 Catchment Area 租盤根本有限,(大概每月)得嗰 2-3 間可選擇。
亦因為盤源緊絀的關係,選址方面,我們亦試過「溜走」各大中學的 Catchment 區(St. Albans、Harpenden、Ham@Richmond、Twickenham、Bracknell、Broxbourne ...)每朝一早或一有空,便上 Rightmove 或 Zoopla,睇下各 Catchment 區有冇新屋租盤上架 ...
結果,請移民顧問幫我地去睇盤拍片。睇完幾間屋嘅片,(係盤源不多的情况下),其實揀邊間已心中有數了。
而且一唸起:如果一抵步就有屋住,唔洗住 Air bnb,條數都係番到噃!
仲有如果要係 Covid 疫情期間,拖住小朋友走嚟走去,周圍睇屋,就真係冇眼睇了!
來到這裏,小朋友最開心就係可以玩雪了! |
傢俬篇:
租到屋之後,就要安排傢俬了。
雖然各大百貨公司(John Lewis、Argos、Amazon 等)也有安排網購及送貨,而 Ikea 更有付費的(Task Rabbit)安裝服務。
但試想想:第一天落機,便要不辭勞苦地安裝傢俬,記著 - 仲要夾啱送貨日期、時間(或夾埋安裝服務),不容有失喎!因第一晚至少都要有床瞓、有枱食飯㗎!
小朋友砌小雪人,超開心! |
結果經過一輪格價後(Ikea、John Lewis、Argos、Amazon ...),我地都係搵咗移民公司的代購傢俬服務。因佢地可以幫手安排收屋、收傢俬(需收費)、安裝等一條龍服務,搞點晒所有嘢。
咁我地一抵步就可以「即住」,真的可以免卻好多麻煩!
價錢方面,比起 Ikea 加埋安裝費後,移民公司的代購「一條龍服務」價格尚較相宜,所以大家不妨考慮一下。
日常生活篇:
之後,移民顧問公司幫我地登記晒 D 水電煤、Council Tax、不在話下。
學校篇:
係小朋友報學校方面,有些 Council 是可以接受用租約 + 住址證明,便可申請學校的。
但我地都有請身在英國的移民顧問,幫我地打電話同 Council 溝通。結果我地便可以人未飛,就已經有學位了!(可能我地早來),好好彩仲要係 Outstanding School 㖭!
汽車篇: 之後經我地嘅要求,移民顧問仲特登幫我地聯絡汽車經銷商,安排揸埋架車去到我地間屋嘅門口!免卻我地係疫情其間,長途跋涉、拖男帶細去收車。最後(加埋架車嘅運費),我地係可以慳番唔洗係 UK 租車的費用㖭!
買車方面,我地係買大汽車品牌公司的「Approved Used Car」,一來有齊原廠記錄、原廠保養等。
二來我們始終初到貴境,人生路不熟,都係幫襯番各大品牌汽車公司的特約經銷商買番「Approved Used Car」,較為有信心!
文 、圖: 曾三寶 . 英倫誌
P.S. 搵番間負責任的移民公司,(包括七天無休地回答我 whatsapp 的問題:因 HK vs UK 係有時差的 😅😉👍 ...)的確係可以分擔和幫我們解決了不少煩惱!
P.P.S. 如大家想繼續討論、或取得更多資訊、及移民顧問公司聯絡資料等,可 PM 我!
謝謝!