「太空人」的悲歌
來英後數月，老公又要番香港，處理埋香港個面嘅公務。
好不容易剛習慣了英國的新生活後！轉頭，老公又話要走了！
只好變得我「以一打三」- 一個對住三個細路！ 又要從新適應「新常態」！
「太空人」式的生活，真的不易！最難捱嘅，係佢最初離英的日子 ...
 |
1. 唔慣 - 尤指佢應該係度的時間：
好似要佢揸車出入的時候、又或者去超市幫手入貨、
又或者 D 細路返咗學，佢個人應該係屋企或身邊的時候！
總是常常 ... 睹物思人！
縱使，有時當佢在家時，佢個人都係喺房度做緊嘢或上網，其實都係見唔到佢的 ...
但 ... 總之佢個人不在，感覺就係不在！唔同咗了！
... 總之就係平日，細路返咗學就好 Lonely ...
佢地放咗學同週末就忙到死啦！
 |
2. 雖然話科技點樣發達 ...
一時又話有 Zoom、視像通話等，
但到時又會成日話收得差、或聽唔到、窒吓窒吓 ...
一時又話時差呀等！
... 都係遲 D 再講啦！
遲 D 又可能唔記得咗想講乜了！  |
3. 我也遇上了 ... 最壞的情况 ...
當然，當老公不在的時候，我也遇上了 ...
面對家中小意外 ...
壞了燈膽自己換、壞洗衣機、水喉漏水等的情况 ...
要獨力自己捉蜘蛛和 Daddy Long-Legs 的時候！
仲有最壞嘅就係 ...
D 細路有咩頭暈身㷫，又驚佢地中 COVID！
但... 還是要我去面對！
維修家居小家電、問題等，簡單嘅就 DIY，太複雜就打俾 Agency，等人上門維修！
孩子身體方面，都係要阿媽棉乾絮濕咁餵藥照顧吧！
4. 「為母則強 」！
然而始終明白到，做 「太空人」是個大家共同的決定。
一方面要兼顧揾錢，又想給孩子提供較佳的生活水平 。
「Life Must Go On！ 」
沒有了老公 / 爸爸的日子，我們還是要勇敢生存！
只可 ... 完全體驗「為母則強 」要「焗住頂 」的大道理！
 |
5. 佢有佢嘅生活，各有各嘅忙碌 ...
好了，回港後隔離的日子完了 ...
佢又開始番在港的生活，打波嘅打波、吃飯飲嘢嘅食飯 ...
佢有佢嘅生活 ...
我們這邊廂也各有各嘅忙碌，
孩子也逐漸地忙着佢地返學嘅日子 ...
因時差嘅問題，孩子通常只可在平日放學回家嘅時候和爸爸視像通通電，（週末下午或到公園玩玩、晚上時間在港的爸爸又已睡着了！）
見有時孩子都唔知同爸爸講咩好咁！
有時我都好驚，不經不覺，原來冇咗佢嘅日子，
我地已經可以習慣過來了！
6. 然而，有 D 野都係迫出來的 - 天下 C9（師奶）一樣 Chat！
今早，剛和幾個本地媽媽，送完孩子返學後一齊食早餐。更可趁呢個「怕悶 」嘅機會和幾個同係香港來的媽媽，一齊去超市買嘢。
天下 C9（師奶）一樣 Chat！
話題都係離不開：孩子、日常生活、放假去邊度玩咁，只差在講中文定英文啫 😬！
話咁快又一天，D 細路又放學了！又要「開工」了！又有排忙 ...
7. 後記：
終於等到老公 / 爸爸於長假期飛回來與我們團聚！
細看孩子怎樣再面對爸爸？
不怕！不用數天大家已回復原狀了！
只不過當爸爸於長假期後，又要離開我們的時候 ...
再一次「輪迴」... 又要重新經歷另一次別離 ...
（不過，總好過第一次離開的時候了！）
文 、圖： 曾三寶 . 英倫誌
